Províntzia de su Sud Sardigna e Comunu de Biddanoa de Forru: Su Comunu de Biddanoa de Forru e sa Pro Loco, in collabboratzioni cun S'Ufítziu de Língua Sarda de sa Províntzia de su Sud Sardigna, faint sciri a is tzitadinas e a is tzitadinus  chi in su cuntestu de sa festa "Simbua frita cun satitzu" est stétiu organizau su labboratóriu culturali in Língua Sarda "Is Puponis" po is pipius de is 6 fintzas a is 10 annus. Is iscritzionis si arritzint in su Museu “Genna Maria” e scadint su 9 de Cabudanni 2022. Su labboratóriu est a indonu.

Províntzia de su Sud Sardigna e Comunu de Biddacidru: Sa Províntzia de su Sud Sardigna e su Comunu de Biddacidru faint sciri a is tzitadinas e a is tzitadinus chi su 23 de Austu 2022 h. 16:45 inghitzat su labboratóriu didàticu in Língua Sarda: "Coseus e incingiaus". Non podint partitzipai prus de 30 personas ( de is 12 annus in susu). Is iscritzionis scadint a sa  una (h. 13:00) de su 19 de Austu 2022. Su labboratórius est a indonu.

Províntzia de su Sud Sardigna e Comunu de Biddacidru: S'Ufítziu de Língua Sarda de sa Províntzia de su Sud Sardigna at organizau sa presentada de s'úrtimu líbburu de Giuseppe Corongiu " S'intelligéntzia de Elias" chi si fait su 30 de Làmpadas, h. 17:30 (cincu e mesu de a merí) in sa Mediateca – Tzentru @ll in, bia Parrocchia 190, Biddacidru. Est presenti s'autori.

Províntzia de su Sud Sardigna e Comunu de Biddacidru: S'Ufítziu de Língua Sarda de sa Províntzia de su Sud Sardigna in collabboratzioni cun sa "Fondazione Giuseppe Dessì" e cun su Sistema Bibliotecàriu Monti Linas at organizau sa presentada de s'úrtimu líbburu de Bachisio Bandinu:"Femina né fata, né strega" chi si fait su 17 de Làmparas, h. 17:30.