Comunu de Seui: Su 21, 22 e 23 de Meseargiolas torrat in Seui, in Pratza San Giovanni, Seuinmusica. Innoi su programma...

Comunu de Serdiana: Sàbudu su 22 de Meseargiolas 2023 a is 9 oras de a merii (21.00): Luna e Costellatzionis Istadialis – po scoberri su celu cun su telescópiu. Gióbia su 10 de Austu 2023 a is 10 de noti (22.00): Santu Lorentzu, sa Noti de is Disígius - una passillada intra sa Bia de sa Palla e Sadurru.Is acontéssius ant a durai unas duas oras e si faint in su Parcu de sa Crésia de Santa Maria de Sebiolla in su territóriu de Serdiana. Su logu de atóbiu est s’intrada printzipali.

Comunu de Gùspini:  Sa Pro Loco de Gùspini organizat s’editzioni noa de Inistràda. Sa festa de sa música e de su “street food”, torrat a alentai sa bidda de Gùspini! Cenàbara su 28 de Meseargiolas de is 8 de a merii (20.00), prus de 10 spetàculus!  

Comunu de Carbonia:  Su de tres apuntamentus cun su tziclu de atóbius “Educando-Scuola Permanente per Genitori”. Pustis de sa partecipatzioni manna de púbblicu chi ant tentu is primus duus apuntamentus, Lorenzo Braina at a torrai in su palcu  gióbia su 20 de Meseargiolas a is 9 oras de a merii (21.00) cun su Reading Educadori intitulau “Lucignolo, la fata e il grillo parlante – Storia di un bambino senza radici”.

Comunu de Serramanna: S’Assótziu Culturali Jamal Memorial paris cun su Comunu de Serramanna presentat sa de 7 editzionis de su Jamal Memorial, chi si fait su 15 e 16 de Meseargiolas 2023 in su Parcu Comunali de Serramanna.

Comunu de Sinnia:  Sa presentada de su libru de Elio Dessì, “Sa Kuspidesa” Susil Edizioni, dd’at apariciada s’Assessorau a sa Cultura de su Comunu de Sìnnia paris cun s’Assótziu Culturali Grazia Deledda de Gùspini, e si fait sàbudu su 15 de Meseargiolas, a is 6 e mesu de a merii (18,30), in sa Biblioteca Comunali de Sìnnia. 

Comunu de Biddesatu: Su Grupu Folk San Cristoforo de Biddesatu organizat “Su Cròciu Antigu”, sàbudu su 22 de Meseargiolas 2023.

Comunu de Gùspini: Si fait su 25 de Meseargiolas, in is aposentus de s'IIS Volta, unu cunvegnu apitzus de s’arrolu de is tzitadinus in relata a is Comunidadis Energéticas Rennovàbbilis. Su Cunvegnu dd’organizat s’Assessorau a is Políticas Energéticas e Annoamentu de su Comunu de Gùspini, precisamenti s’Assessori Marcello Fanari, paris cun s’Assessorau Regionali de s’Indústria e s’Universidadi de Casteddu.