Comunu de Sestu: S’Assótziu “Le Compagnie del Cocomero” at apariciau sa de 19 editzionis de su “Festival Bastoni e Burattini” in spetàculu a Sestu intra s’1 e su 9 de Meseargiolas 2023 girendi intra Pratza della Legalità, Pratza Pertini e Pratza Ghandi, de is 6 de a merii (18.00) cun is labboratórius e de is 7 e mesu de a merii (19.30) cun is spetàculus.

Comunu de Samatzai: Presentada de su libru “La libreria dei gatti neri” s’úrtimu trabballu literàriu de Piergiorgio Pulixi, chi si fait in sa pratza de sa Biblioteca Comunali de Samatzai in bia Nuoro 4, cenàbara su 30 de Làmpadas 2023 a is 7 e mesu de a merii (19.30).

Comunu de Pramantellu: Aintru de s’arressigna Librus in Pratza in Pramantellu, cumbidant totus a bandai cenàbara su 27 de Làmpadas 2023 a is 9 oras e mesu de a merii (21.30) a is “Domus de Janas S’acqua salida” e partetzipai a sa presentada de su libru “Giallo Sardo”

Comunu de Carbonia: De su 27 de Làmpadas a s’8 de Austu in s’Arena Mirastelle de su Teatru Tzentrali de pratza Roma in Carbònia. Po intrai si pagat € 4,00 su billetu intreu e € 3,00 su billetu smenguau poi s giòvunus fintzas a is 21 annus e is chi funt iscritus/as a is tzírculus de su tzínema Arci-Ucca e Ficc. Sa buteghedda innui s’arretirant is billetus aberrit un’ora innantis de su cumentzu de su spetàculu, a is 8 e mesu de a merii (20.30), e sa proietadura at a cumentzai a is 9 oras e mesu de a merii (21.30).

Comunu de Arbus: Su 7 de Meseargiolas 2023 a is 8 e mesu de a merii (20.30), in sa guarnissa spantosa de su Golfu de Portu Pramma in Tunària s’at a esibiri su Coru Polifónicu “In…cantu de coro” de Gùspini.

Comunu de Donori:. S’ASD Sardinia Shooting Camp aparíciat su 1° Trofeu Sagoma Mobile Donori Shooting Camp, su 23 de Meseargiolas 2023 in bia Cuccuru is Olionis in Donori. Si pagant 30 éurus po si iscriri (1 série + assicuratzioni + diritus de campu + cartúcias cheddite) e 15 éurus po si torrai a iscriri (1 série + cartúcias cheddite).

Comunu de Carbonia:S’arressigna “Notti a Monte Sirai” dda promovit su Comunu de Carbònia cun s’amparu de sa Fundatzioni de Sardigna e cun su coordinamentu organizadori de s’Assótziu Entis Localis po is Atividadis Culturalis e de Spetàculu. 

Comunu de Igrèsias:  Cun sa punna de arrexonai, arremonai e torrai a cuntziderai su períodu de is seti mesis de assédiu, s'Archíviu Stóricu Comunali, intzullau de sa bidea de una cuntzitadina, sa Dot.ra Arianna Manca, proponit unu programma po una série de acontéssius de fai intra de Làmparas 2023 e Friaxu 2024