SAR
Comunu de Biddanoa de Forru: Su Comunu de Biddanoa de Forru, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L. 482/99 "Normas in matéria de amparu de is minorias linguísticas storicas", fait sciri a is tzitadinus chi in custu Comunu si fait su labboratóriu Língua Sarda “Fueddaiddu su Sardu” po mannus chi inghitzat su 8 de Meseladàmini 2020, in sa piataforma Google Meet . Su labboratóriu est de 9 oras pretziu in 3 letzionis de 2 oras donniuna e una de tres oras.
Su labboratóriu est po 15 personas.
Doi at tempus po si iscriri fintzas a mércuris 7 de Meseladàmini
Is mollus po s'iscriri e is chistionarius de satisfatzioni ddus podeis scarrigai de su giassu: www.limbasardasudsardigna.it opuru podeis mandai una "e-mail" a: annalisa.caboni@provincia.sudsardegna.gov.it
Su chistionàriu de satisfatzioni de cumpilai a s’acabbu de su labboratóriu tocat a ddu torrai a mandai a: annalisa.caboni@provincia.sudsardegna.gov.it
Po sceras ténnicas, chi pertocant s’intrada a sa piataforma e àteru, podeis mandai una “e-mail” a: infolinguabia@gmail.com
Su labboratóriu est a indonu
Calendàriu de is letzionis
gióbia 8 de Meseladàmini 2020 h. 16.00 – 18.00
gióbia 15 de Meseladàmini 2020 h. 16.00 – 18.00
gióbia 22 de Meseladàmini 2020 h. 16.00 – 18.00
gióbia 29 de Meseladàmini 2020 h. 16.00 – 19.00