SAR
Províntzia de su Sud Sardigna e Comunu de Teulada: Sa Províntzia de su Sud Sardigna, s'Ufítziu de Língua Sarda e su Comunu de Teulada ant organizau su labboratóriu culturali in Língua Sarda “Su pani” chi si fait su 6 e su 7 de Meseidas 2021, in sa Scola Elementari, in bia Cagliari 59 e in sa butega “Su Forru 'e su Pani” in Teulada. Po fai su labboratóriu funt stétias sceradas is classis 3^ e 4^ de sa Scola Elementari.
Su labboratóriu est a indonu, ca ddu finantziat sa Regioni Autònoma de Sardigna cunformas a sa L.482/99 e a sa L.R. 22/2018, art.10.
Su labboratóriu tenit sa tarea de recuperai e de fai a connosci is términis chi pertocant sa trabballadura e su nòmini de su pani, fadendi trabballai a is pipias e a is pipius sa pasta de manera chi issus etotu imparint a fai su pani.
Cumenti a trabballu finali de su labboratóriu is pipias e is pipius depint fai unu pani.
Su labboratóriu ddu organizat s'Ufítziu de Língua Sarda de sa Províntzia de su Sud Sardigna, sea Comunu de Teulada, cun sa collabboratzioni pretziosa de sa Scola Elementari de Teulada e de “Su Forru 'e su Pani”.