SAR
Províntzia de su Sud Sardigna e Comunu de Biddacidru: Sa Províntzia de su Sud Sardigna in collabboratzioni cun su Comunu de Biddacidru organizat su labboratóriu didàticu- culturali in Língua Sarda “Mércuris in su Tzínema” chi si fait, a inghitzai de su 9 de Martzu, dónnia mércuris in sa sala letura de sa Mediateca Comunali – Tzentru @ll in, in bia Parrocchia 190, Biddacidru.
Su labboratóriu ddu fait s'assótziu culturali "Sarditinera onlus" in collabboratzioni cun s'assótziu culturali “SEMM – Sardegna Europa Mediterraneo Mondo”.
Su labboratóriu fait parti de is atividadis culturalis in Língua Sarda de sa Províntzia de su Sud Sardigna chi sa Regione Autònoma de Sardigna finantziat cunformas a sa L.482/99 e a sa L.R. 22/2018.
Su labboratóriu est a indonu.
“Mércuris in su Tzínema” est unu labboratóriu chi previdit sa proietzioni de 10 film o cortometràgius de argumentu sémpiri diferenti chi riguardant sa storia, sa cultura de sa Sardigna. Su film podit èssiri in língua sarda o in língua italiana ma su chi aunit custus dexi atóbius est sa Língua Sarda, difatis is cumentus, is osservatzionis ddas faint totu in sardu.
Giai chi dónnia atóbiu riguardat un'argumentu diferenti, si podit abbitai su labboratóriu/atóbiu chi prus interessat.
Non ddoi at abbisóngiu de si iscriri a su labboratóriu, bastat a si presentai in sa Sala letura de sa Mediateca Comunali – Tzentru @ll dónnia Mércuris a is cincu de a merí (h.17.00) cun su Green pass e sa mascherina Ffp2.