SAR
Províntzia de su Sud Sardigna e Comunu de Futei: Presentada de su libbru “Raccontando Furtei”. 27 de Argiolas 2024.
Sa presentada si fait Sàbudu su 27 de Argiolas 2024 a is oras 18:30 in su ex Asilo in bia Vittorio Emanuele II 14. S’ acuntéssiu est a indonu, realizau cun su patrocíniu de su Comunu de Futei. Fait parti de is atividadis culturalis in lìngua sarda promòvias de sa Provìncia de su Sud Sardigna e finantziadas de sa Regioni Sardigna cunformas a sa L. 482/99 e a sa L.R. 22/2018.
A sa presentada nc’ est sa curadora de su libbru Francesca Caddeu chi ndi arrexonat cun sa dotora Giorgia Serpi.
Francesca Caddeu, futeresa, laureada in “Beni Culturali” iat presentau una tesi apitzus de sa Parróchia de Santa Bràbara de Futei. Connota giai po ai pubblicau in su 2012, gràtzias a su bandu de sa “Biblioteca di Sardegna, su libbru “In Furtei”, un’ arregorta de 200 fotografias de paesàgius, prucessionis, e arretratus de famíglias de is primus cinquant’annus de su ‘900”.
Su progetu nou “Raccontando Furtei” fait parti sèmpiri de unu bandu de sa “Biblioteca di Sardegna” e ponit a pari is arregodus de sa populatzioni, cuncordendi una memória stórica de Futei. A su progetu ant partecipau 37 personas arregodendi acuentéssius de is primus cincuant’annus de su ‘900: sa timoria de sa gherra, su bíviri impari a is sordaus, su fàmini, su bíviri cun pagu, su bixinau bonu, is festas e is contus de sa vida de is famíglias.
Si abetaus in medas.