SAR
Províntzia de su Sud Sardigna: Sa Províntzia de su Sud Sardigna e su Comunu de Pabillonis faint sciri a is tzitadinas e tzitadinos chi si arritzint is iscritzionis po su labboratóriu culturali in Língua Sarda, iscritu in su catàlogu regionali: “Sonendi, cantendi, ballendi” chi si fait in su Tzentru de Agregatzioni Sotziali, bia su Rieddu, in Pabillonis. Su labboratóriu est a indonu ca ddu finantziat sa Regione Autonoma de Sardigna cunformas a sa L. 482/99 " Normas in materia de amparu de is minorias linguísticas stóricas" “ e a sa L.R- 22/2018 e fait parti de su progetu “Sighidura de sa sperimentatzioni linguística de sa Províntzia de su Sud Sardigna”, annualidadi 2020.
A su labboratóriu si podint iscriri piciocheddus de is seti annus in susu e mannus.
Su labboratóriu si podit inghitzai scéti si si sodigat su númunu de 20 partitzipantis de asinuncas non si fait.
Si arritzint is iscritzionis fintzas a mesudì de su 9 de Abrili 2020.
Is mòdulus de iscritzioni si agatant puru in su giassu: www.limbasardasudsardigna.it
Po pediri técnicas e su mòdulu de iscritzioni o ddu torrai cumpilau tocat a mandai una"e-mail" a: annalisa.caboni@provincia.sudsardegna.gov.it .
Su labboratóriu est de 30 oras pretziu in 10 letzionis de 3 oras donniuna.
Calendàriu de is letzionis
Sàbudu 10 de Abrili 2021 h. 15.00 – 18.00
Sàbudu 17 de Abrili 2021 h. 15.00 – 18.00
Sàbudu 24 de Abrili 2021 h. 15.00 – 18.00
Sàbudu 8 de Maju 2021 h. 15.00 – 18.00
Sàbudu 15 de Maju 2021 h. 15.00 – 18.00
Sàbudu 22 de Maju 2021 h. 15.00 – 18.00
Sàbudu 29 de Maju 2021 h. 15.00 – 18.00
Sàbudu 5 de Làmparas 2021 h. 15.00 – 18.00
Sàbudu 12 de Làmparas 2021 h. 15.00 – 18.00
Sàbudu 19 de Làmparas 2021 h. 15.00 – 18.00