SAR
Províntzia de su Sud Sardigna: S'Ufítziu de Língua Sarda de sa Províntzia de su Sud Sardigna fait sciri a is tzitadinas e a is tzitadinus chi, in su cuntestu de is atividadis culturali prevídias de su progetu "Sighidura de sa sperimentatzioni linguística" po s' annualidadi 2021, partítzipat a sa presentada de su líbburu "Intragnas – Ite parimus?" de s'antopòlogu Bachisio Bandinu chi si fait su 8 de Meseidas 2021, h. 16.30 (cuatru e mesu de a merí) in bia Marche 9, in Casteddu.
In preséntzia podint partitzipai scéti 25 personas e podint intrai sceti cun su "Green pass" ma po donai sa possibbilidadi a totus is interessaus de partitzipai, sa cuferéntzia si podit sighiri puru in sa piataforma ZOOM po médiu de s'acàpiu (link):
https://us02web.zoom.us/j/89485367454?
pwd=WWkwLzRzb2ZCVGpEYTMwbjNyOVZWdz09
Po intrai in sa cuferéntzia non bastat s'acàpiu ma tocat a ai scarrigau innantis sa piataforma Zoom a indonu.
S'atóbiu ddu organizat s'Ufítziu Stúdius "G.M.Angioy" .
S'Ufítziu de Língua Sarda de sa Províntzia de su Sud Sardigna partítzipat a indonu, ca est finantziau cun su dinai de sa Regione Autònoma de Sardigna cunformas a sa L.482/99 e a sa L.R. 22/2018, art.10.
Po sceras podeis mandai una "E-mail" a: annalisa.caboni@provincia.sudsardegna.it o tzerriai su númunu: 3890191709
Seis totus cumbidaus a partitzipai.