SAR
Províntzia de su Sud Sardigna: Sa Províntzia de su Sud Sardigna e su Comunu de Biddacidru faint sciri a is tzitadinas e tzitadinos chi si arritzint is iscritzionis po su labboratóriu culturali in Língua Sarda, iscritu in su catàlogu regionali: “Libros de paperi: dae s'idea a su mercadu” de Condaghes S.r.l. chi si fait in sa Piataforma Zoom. Su labboratóriu est a indonu ca ddu finantziat sa Regione Autonoma de Sardigna cunformas a sa L. 482/99 " Normas in materia de amparu de is minorias linguísticas stóricas" “ e a sa L.R. 22/2018 e fait parti de su progetu “Sighidura de sa sperimentatzioni linguística de sa Províntzia de su Sud Sardigna”, annualidadi 2020.
Su labboratóriu si podit inghitzai scéti si si sodigat su númunu de 20 partitzipantis de asinuncas non si fait.
Si podint iscriri puru is tzidadinas e tzidadinos chi non funt residentis in Biddacidru.
Si arritzint is iscritzionis fintzas a mesudì de su 5 de Abrili 2021.
Is mòdulus de iscritzioni si agatant in su giassu: www.limbasardasudsardigna.it
Po pediri técnicas e su mòdulu de iscritzioni o ddu torrai cumpilau tocat a mandai una
"e-mail" a: annalisa.caboni@provincia.sudsardegna.gov.it o telefonai a su númunu: 3890191709.
Su labboratóriu est de 30 oras pretziu in 10 letzionis de 3 oras donniuna.
Si is dispositzionis contras a su Covid19 ddu permitint calincuna letzioni s'at a fai in preséntzia ma is chi non podint bènniri a Biddacidru podint, cumentisisiat, sighiri sa letzioni in sa piataforma.
Calendàriu de is letzionis
martis 6 de Abrili 2021 h. 16.00
martis 13 de Abrili 2021 h. 16.00
martis 20 de Abrili 2021 h. 16.00
martis 27 de Abrili 2021 h. 16.00
martis 4 de Maju 2021 h. 16.00
martis 11 de Maju 2021 h. 16.00
martis 18 de Maju 2021 h. 16.00
martis 25 de Maju 2021 h. 16.00
martis 1 de Làmparas 2021 h. 16.00
martis 8 de Làmparas 2021 h. 16.00