SAR
Províntzia de su Sud Sardigna e Comunu de Sàrdara: Labboratòriu in lìngua sarda " Sa domu de is abis". 15 de Meseladàmini 2024
Atividavi po pipius e pipias de is 6 a is 10 annus.
S’assòtziu culturali “Sarditinera” impari a sa Biblioteca de Sàrdara aparìciat su labboratòriu “Sa domu de is abis” in lìngua sarda. Si fait in sa Biblioteca Comunali de Sàrdara su 15 de Ladàmini 2024 de is oras 15:30 a is oras 18:30.
Podint partecipai is pipius e is pipias de is 6 a is 10 annus de edadi, fintzas a arribbai a 23.
Is chi partecipant ant a castiai unu vídeu in lìngua sarda apitzus de is abis, realizau de s’ operadora, e impari a issa e a su bibliotecàriu ant a cuncordai un’ abiàrgu, sa domu de is abis. Cun is manixeddas insoru ant a fai una atividadi de manipolatzioni de is materialis chi is pipius ant a portai. Su materiali chi serbit est: una scàtula pitica (de crapitas o àteru), una cunfetzioni de ous buida, tapus de butíllias.
A s’ acabbu de su labboratòriu s’ ant a portai in domu su trabballu fatu.
Su labboratòriu est a indonu e fait parti de is atividadis culturalis in Lìngua Sarda de sa Provìntzia de su Sud Sardigna chi sa Regioni Autonoma de Sardigna finàntziat cunforma a sa L. 482/99 e a sa L/R 22/2018.
Po partitzipai is pipius e is pipias si depint iscriri aintru de su 11 de Ladàmini 2024 tzerriendi su nùmeru 3400924454 o inviendi una mail a g.serpi@comune.sanluri.su.it e in su mólliu tocat a scriri fintzas chi sa mamma o su babbu abarrat cun su pipiu o chi est a solu.