SAR
Províntzia de su Sud Sardigna e Comunu de Serrenti: Sa Províntzia de su Sud Sardigna, s'Ufítziu de Língua Sarda e su Comunu de Serrenti ant organizau su labboratóriu artísticu – culturali in Língua Sarda “Is Puponis” chi si fait su 17 e su 18 de Meseidas 2021, in su Tzentru Polivalenti de bia Fara in Serrenti. Po fai su labboratóriu est stétia scerada sa classi 5^ B de sa Scola Elementari.
Su labboratóriu est a indonu, ca ddu finantziat sa Regioni Autònoma de Sardigna cunformas a sa L.482/99 e a sa L.R. 22/2018, art.10.
Su labboratóriu tenit sa tarea de recuperai e de fai a connosci is términis chi pertocant su bistiri traditzionali sardu e, giai chi si torrat a fai is trabballus de Eugenio Tavolara e de is sorris Giuseppina e Albina Coroneo, de acostai is pipius a s'arti, fadendiddi a connosci is artístas sardus de primori.
Cumenti a trabballu finali de su labboratóriu is pipias e is pipius depint fai unu puponi cun su bistiri sardu.
Su labboratóriu ddu organizat s'Ufítziu de Língua Sarda de sa Províntzia de su Sud Sardigna, sea Comunu de Serrenti, cun sa collabboratzioni pretziosa de "Cultura Moda Solidale – CMS" e de sa Scola Elementari de Serrenti.