SAR
Províntzia de su Sud Sardigna: Sa Províntzia de su Sud Sardigna in su cuntestu de is atividadis culturalis previdias in su progetu "Sighidura de sa sperimentatzioni linguística", fait sciri a is tzitadinas e a is tzitadinus chi si arritzint is iscritzionis po su de 2 labboratórius de Língua Sarda "Prontu ses" chi inghitzat in sa Piataforma Zoom su 13 de Meseidas 2021. Sa Províntzia at detzidiu de ativai su de 2 labboratórius po donai a totus is interessaus sa possibbilidadi de ddu fai e non lassai a foras nemus, giai chi nci funt stétias medas iscritzionis a su labboratóriu de Língua Sarda "Prontus ses?" de sa Dot.ra Carla Asunis.
In su labboratóriu si faint pruschetotu fueddadas, leturas e scritura.
Si arritzint is iscritzionis fintzas a su 10 de Meseidas 2021.
Su Labboratóriu durat 30 oras pratzias in 12 letzionis de 2 oras e mesu donniuna.
Su labboratóriu est a indonu ca ddu finantziat sa Regione Autònoma de Sardigna cunformas a sa L.482/99 e a sa L.R. 22/2018, art.10.
Is módulus po s’iscriri si podint scarriai de www.limbasardasudsardigna.it e si depint mandai cumpilaus cun una e-mail a ufitziuls@gmail.com
Calendàriu de is letzionis:
Lunis su 13 de Meseidas 2021 h. 17.00 - 19.30
Cenàbara su 17 de Meseidas 2021 h. 17.00 - 19.30
Lunis su 20 de Meseidas 2021 h. 17.00 - 19.30
Lunis su 03 de Gennàrgiu 2022 h. 17.00 – 19.30
Cenàbara su 7 de Gennàrgiu 2022 h. 17.00 - 19.30
Lunis su 10 de Gennàrgiu 2022 h.17.00 - 19.30
Cenàbara su 14 de Gennàrgiu 2022 h. 17.00 - 19.30
Lunis su 17 de Gennàrgiu 2022 h. 17.00 - 19.30
Cenàbara su 21 de Gennàrgiu 2022 h. 17.00 - 19.30
Lunis su 24 de Gennàrgiu 2022 h.17.00 – 19.30
Cenàbara su 28 de Gennàrgiu 2022 h.17.00 – 19.30
Lunis su 31 de Gennàrgiu 2022 h.17.00 – 19.30