SARDU
ATUS DE SU CUNVEGNU “ GIUANNE MARIA ANGIOY, ANTITZIPADORE DE S’AUTONOMIA MODERNA DE SA SARDIGNA O ÒMINE DE SU TEMPUS SUO?”
Cun sa L.R. 44/93 e ss.mm.ii., chi at istituiu “Sa Die de sa Sardigna” e cun su bandu annuali relativu, sa Regioni Sardigna, in su 2013, at cuncédiu a sa Províntzia de su Campidanu de Mesu unu agiudu in dinai de € 2000,00 po fai unu cunvegnu intitulau “Giuanne Maria Angioy, antitzipadore de s’Autonomia Moderna de sa Sardigna o òmine de su tempus suo?”
Su cunvegnu s’est fatu su 4 de Meseidas 2014, de is noioras de a mengianu a sa una (9,00 – 13,00), in s’auditorium de s’Istitutu “Colli Vignarelli” de Seddori.
Funt intervénnius is reladoris elencaus de sighiu:
- Prof. Francesco Casula cun s’interventu “Dae sa dispidida de sos Piemontesos dae Casteddu a Angioy Alternos”;
- Prof. Bartolomeo Porcheddu cun s’interventu “Giommaria Angioy e sos Massaios”;
- Dot.ra Annalisa Caboni cun s’interventu “Cunditziones sòtziu-económicas de sa Sardigna a su tempus de Angioy”.
In is mesis a innantis de su cunvegnu, e in vista de sa preparatzioni de custu, is studiantis de unas cantu crassis de s’Istitutu “Colli Vignarelli”, sighius de Prof. Talloru, insennianti de sa scola, e de sa Dot.ra Annalisa Caboni, reladora e operadora de s’Ufítziu Linguísticu de sa Províntzia, ant fatu circas e ant aprofundau is connoscéntzias cosa insoru asuba de sa figura de Angioy. Is arresurtaus de su trabballu insoru e de sa circa ddus ant ammostaus a s’acabbu de su cunvegnu chi at biu, a parti is interventus de is studiantis, ammostus musicalis e poéticus in sardu, testimóngius interessantis e importantis de sa cultura e de su costumu de sa Sardigna.
Sa prumotzioni de su cunvegnu est stétia fata po médiu de is giornalis localis e de sa produtzioni de materiali pubricitàriu (“brochures”, volantinus, locandinas, e aici sighendi) in sardu ( sun sa furriadura in italianu).
Is cuntribbutus de is reladoris funt stétius arragotus in is Atus de su Cunvegnu, chi innòi pubricaus in formau digitali, spartzinaus in is scolas e in is bibliotecas de totu su territóriu provintziali.