Comunu de Gùspini: Su Sistema Bibliotecàriu "Monti Linas" proponit a is umperadoris duus servítzius nous: "mailing list" e messageria"Whatsapp" po éssiri sémpiri agiornaus asuba de is propostas e is atividadis organizadas de is Bibliotecas de su Sistema Bibliotecàriu "Monti Linas".

Comunu de Gùspini: In osservàntzia de is dispositzionis de su DPCM de su 4 de Martzu 2020 chi pertocant is provedimentus contras a sa spartzinadura de su Corona virus (covid-19), s'acontéssiu :"Sa nurdiadura in s'Universu femmininu" chi si depiat fai su 7 de Martzu, in ocasioni de Sa Giornada Internatzionali de sa Fémmina, est stétiu trentziu a data de detzidi.

Comunu de Biddaspitziosa: Su Centru Italianu de is Fèminas Provinciali de Casteddu paris cun su CIF de Biddaspitziosa cumbidat sa popolatzioni a partecipai a sa Missa po arregodai is Fèminas de su CIF e totus is Fèminas vìtimas de violèntzia.

Comunu de Nuxis: Cenàbara a is 6 de merì in sa biblioteca comunali si presentat su lìbru de Fiorenzo Caterini “Colpi di scure e sensi di colpa”.

Comunu de Seddori: Su Comunu de Seddori, alleau de sa Províntzia de su Sud Sardigna in su progetu "Sighidura de sa sperimentatzioni linguística", cunformas a sa L.482/99 "Normas in matéria de amparu de is minorias linguísticas storicas", fait sciri a is tzitadinus chi in custu Comunu si fait su labboratóriu de Língua Sarda po Mannus  “Fueddaiddu su Sardu” chi inghitzat lunis su 23 de Martzu 2020 a is cuatru de a merí (16.00) in sa Biblioteca Comunali, in su Polu Culturali, Parcu s'Arei.

Províntzia de su Sud Sardigna: Sa Províntzia de su Sud Sardigna cumbidat totus is assótzius interessaus a presentai sa manifestatzioni de interessamentu cosa insoru po pregontai s’inserta in su programma de prumotzioni visíbbili de sa língua sarda chi previdit sa cumpridura in sardu o sardu – italianu de “depliant”, locandinas, opúsculu, striscionis, o àteru, chi pubritzizint acontéssius culturalis, de spetàculu e isportivus de fai in su territóriu provintziali.

Comunu de Ussaramanna: Fonti: "L'Unione Sarda": Su Comunu de Ussaramanna at recuperau sa memória e su passau cosa sua castiendi a su benidori. Su progetu “Il Futuro della memoria” est stétiu presentau cenàbara 14 de Friaxu a is cincu de a merí (17.00), in sa bidda de sa Marmilla, cun sa presentatzioni  de tres muralis nous e de su líbburu:  “La casa tradizionale di Ussaramanna e i toponimi campestri”. Ddoi at unu líbburu in donu po dónnia famillia de Ussaramanna.

Comunu de Quartùcciu: S’Amministratzioni Comunali imparis cun sa “Cooperativa Sociale Agape Onlus” organizat sa Festa de Carnevali po sa tzidadinàntzia e pruschetotu po  is antzianus po martis lardajolu 25 de Friaxu  in sa DoMusArt in  bia Neghelli in  “Quartucciu”.