Comunu de Biddanoa de Forru: Su labboratóriu de Língua Sarda po pipius  "Fueddaiddu su Sardu" inghitzat cenàbara 6 de Meseidas, de is tres a is ses de a merí (15.00 - 18.00), in sa Biblioteca Comunali, in bia Umberto I n.6.  Su labboratóriu est de otu oras pretziu in 3 letzionis.

Comunu de Serramanna: S'Amministratzioni Comunali,  proponit una série de labboratórius po piciocheddus e po mannus cun sa tarea de prumovi e avalorai sa cultura e is costumàntzias localis.

Comunu de Biddesorris: Sa manifestatzioni, chi si fait cenàbara 29 e sàbudu 30 de Donniasantu e domínigu 1° de Meseidas 2019, rapresentat s'ocasioni prus importanti de prumotzioni e avaloramentu de is primoris de su territóriu e, pruschetotu, de is produtzionis agru-alimentaris, de s'artesania, de is pràtigas e de is usàntzias acapiadas a is trabballus antigus de su sartu  e de is costumàntzias localis.

Comunu de Igrèsias: Su 3 de Meseidas 2019, nc'est s'esertzitatzioni- labboratóriu: "Abitare - Il Nostro Futuro" , organizau de sa Coperativa Sotziali "CTR" e de s'Amministratzioni Comunali de sa Tzitadi de Igrèsias.

Comunu de Igrèsias: S' Informagióvunus - Eurodesk de su Comunu de Igrèsias organizat unu percursu, pretziu in duus atóbius:su 29 de Donniasantu e su 6 de Meseidas, chi punnat a donai is elementus de basi po s'acostiai a su mundu de s'imprenditoria, apretziai sa bidea de impresa chi teneus e connosci is agiudus chi dd'arriguardant.

Comunu de Mara Arbarei: Programma po sa simana de Paschixedda.

Comunu de Patiolla: In ocasioni de sa Giornada Internatzionali po sperdi sa violéntzia asuba de is Fémminas e  serrada de su tziclu de atóbius literàrius fatus in biblioteca: "Trenta minuti un Libro",  Su Comunu organizat duus atóbius:

su 25 de Donniasantu: "L'altro ieri era amore" e su 28 de Donniasantu: "Lisistrata On Demand".

Comunu de Santu Antiogu:"Bonifiche: pianificare e progettare per il riutilizzo del territorio: il caso Seamag Sant'Antioco". Custu s'argumentu de su cunvénniu chi si fait lunis 25 de Donniasantu, a is cuatru e mesu (16.30), in s'Àula de su Consillu de su Comunu de Santu Antiogu, Pratzita Italo Diana n. 1.