SARDU
Comunu de Domusnoas: S'Ufítziu de Língua Sarda de sa Províntzia de su Sud Sardigna tenit su prexu de presentai s'abbisita multimediali de sa Gruta de Santu Giuanni in Língua Sarda, frutu de sa collabboratzioni cun su "Consorzio Natura Viva Sardegna" chi gestit sa gruta de Santu Giuanni in Domusnoas.
Sa presentada si fait su 21 de Argiolas 2022, h. 11:00 ( úndixi de a mengianu) in sa Gruta de Santu Giuanni in Domusnoas.
Sa collabboratzioni est stetia possíbbili gràtzias a is finantziamentus chi sa Províntzia de su Sud Sardigna at arritziu de sa Regione Autonoma de Sardigna cunforma a sa L.R. 22/2018 e a sa L. 482/99 po s'annualidadi 2021 e a sa sensibbilidadi de su "Consorzio Natura Viva Sardegna" chi at donau vida a su progetu e a sa collabboratzioni pentzendi chi su manixu de sa Língua Sarda siat unu valori aciuntu a s'atividadi cosa sua.
Su "Consorzio Natura Viva Sardegna" intra de calincuna dí andat in Frància po partitzipai a su "Cungressu Internatzionali de Speleologia" (Simposio Internazionale di Speleologia) po fai pubblitzidadi a sa Gruta de Santu Giuanni e in custu cuntestu est puru ambasciadori de sa Língua nosta, ammostendi is "App" in sardu.
Unu gràtzias de coru andat a Fiorenzo, Roberta e Carlo.