SARDU

Comunu de Gùspini: Domu Murgia aberrit a su púbricu e atividadis nobas.  Pigat vida s’acórdiu fatu intra de s’Amministratzioni Comunali cun “Caleidoscopio Associazione d’Arte e Cultura”. S’assótziu nou si ocupat de arti in totus is formas e espressionis diferentis cosa sua. Sa tarea est cussa de avalorai e de garantiri su gosu de su logu  umperendiddu po ammaniai ammustas e installatzionis, donendi vida a momentus de agregatzioni cun leturas e presentadas de líbburus. Ant tenni spàtziu artistas e autoris localis e totus is chi in manera generosa e disinteressada bolint agiudai a sa spartzinadura  de s’arti e de sa literadura.

Domu Murgia aberrit cun regularidadi a su púbricu e si podit bisitai dónnia primu sàbudu de su mesi de is cuatru a is otu de a merí (16.00 – 20.00) e dónnia borta chi ddoi at ammustas. Is sótzius funt a dispositzioni po is abbisitas ghiadas.  Po abbisitas in oràrius e in dis diferenti de cussus prevídius si depit cuntatai deretu a s’assótziu.

Sàbudu 1 de Friaxu a is cuatru de a merí (16.00) nc’est sa primu abertura e sa presentada de s’assótziu “Caleidoscopio” e de sa proposta de progetu cosa sua.

Domínigu 2 de Friaxu Domu Murgia est aberta e si podit bisitai de is cuatru a is otu de a merí (16.00 – 20.00).

Atóbiu su 1° e su 2 de Friaxu 2020 de is cuatru a is otu de a merí (16.00 – 20.00) in Domu Murgia, Gùspini angulu bia Dante – bia Petrarca.