Avisu inghitzu atividadi Ufìtziu Lìngua Sarda

Sa Provìntzia de su Sud Sardigna in acòrdiu cun su Comunu de Frùmini Majori fait sciri a is citadinus ca de Gennàrgiu 2025 est ativu s’Ufítziu de Lìngua Sarda gràtzias a su Progetu “Prosecuzione sperimentazione linguistica della Provincia del Sud Sardegna” cunformas a sa Lei Regionali 22/2018 e a sa Lei 482/99, annualidadi 2025”. 

S’Ufìtziu est a disponimentu po: 

fai collaboratzionis cun s’Amministratzioni Comunali, iscolas, museus, ufítzius turísticus, atividadis cummertzialis e artigianalis e assòtzius fruminesus po s’avaloramentu de su patrimòniu materiali e immateriali de sa bidda; fueddai in sardu, imparai a ligi e scriri in sardu; donai informatzionis asuba de sa língua e de is traditzionis de sa Sardigna.

S’Ufítziu s’agatat in sa Biblioteca Comunali de bia Argiolas (in su fàbbricu de sa Scola Mèdia) e fait servítziu a su púbblicu sa gióbia h. 11:00 – 12:00 (de is ùndixi a mesudí).

S’operadora, Dot.ra Ilaria Diana, si podit cuntatai a:

– sa e-mail: sportello.linguasarda@comune.fluminimaggiore.ca.it

– a su telèfunu: 3200655319.