Torrat a incumintzai s'atividadi de s'Ufítziu de Língua Sarda de su Comunu de Pabillonis.

Su Comunu de Pabillonis, alleau de su Comunu de Seddori in su progetu “Prosecuzione Terras de Marmilla, Linas e Campidanu”, finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas istóricas” e a sa L.R. 22/2018, fait isciri a is tzitadinas e a is tzitadinus chi de su 31 de Gennaxu 2025 fintzas a su 26 de Cabudanni 2025 est torra ativu s'Ufítziu de Língua Sarda.

S'Ufítziu s'agatat in sa Biblioteca Comunali, in bia Su Rieddu 4 Pabillonis, e fait servítziu a su púbblicu su cenàbara h. 13:00 – 14:00 (de sa una a is duas de a mericeddu), in custas diis: 14,28/02, 14,28/03, 11/04, 2,16,30/05, 13,27/06, 11/07, 26/09.

S’operadora, Dot. ra Carla Asunis, si podit cuntatai a is recàpitus chi sighint:
e-mail:carla.asunis@gmail.com
Tel. 070 9353957 - 349 7523352

S’Ufítziu de Língua Sarda est a dispositzioni de is Iscolas, de is Museus, Ufítzius turísticus, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: fueddai in sardu cun s’Amministratzioni Comunali, po apariciai ainas/materialis po is pipius e is piciocheddus; imparai a ligi e iscriri in sardu; apariciai ainas/materialis po is atividadis insoru ( es. locandinas, cartellinus merceològicus), tenni informatzionis chi pertocant sa língua, is traditzionis e s'istória de sa Sardigna.