TORRAT A INCUMINTZAI S'ATIVIDADI DE S'UFITZIU LINGUA SARDA DE SU COMUNU DE SEDDORI!

Su Comunu de Seddori, alleau de sa Províntzia de su Sud Sardigna in su progetu "Sighidura de sa sperimentatzioni linguística", finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas istóricas” e a sa L.R. 22/2018, fait isciri a is tzitadinas e a is tzitadinus chi de su 13 de Gennàrgiu 2025 fintzas a su 24 de Donniasantu 2025 est torra ativu s'Ufítziu de Língua Sarda. S'Ufítziu s'agatat in sa sea de sa Províntzia de su Sud Sardigna, in bia Paganini n. 22, e arricit su púbblicu su lunis h. 14:00 – 15.00 (de is duas a is tres de a mericeddu).

S’operadora, Dot.ra Carla Asunis, si podit cuntatai a is recàpitus chi sighint:
e-mail: carla.asunis@gmail.com
Tel. 070 9356356- 349 7523352

S’Ufítziu de Língua Sarda est a dispositzioni de is Iscolas, de is Museus, Ufítzius turísticus, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: fueddai in sardu cun s’Amministratzioni Comunali, po apariciai ainas/materialis po is pipius e is piciocheddus; imparai a ligi e iscriri in sardu; apariciai ainas/materialis po is atividadis insoru (es. locandinas, cartellinus merceològicus), tenni informatzionis chi pertocant sa língua, is traditzionis e s'istória de sa Sardigna. 

Mostra meno