Torrat a incumintzai s'atividadi de s'Ufítziu de Língua Sarda de su Comunu de Serrenti.

Su Comunu de Serrenti, alleau de su Comunu de Seddori in su progetu “Prosecuzione Terras de Marmilla, Linas e Campidanu”, finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas istóricas” e a sa L.R. 22/2018, fait isciri a is tzitadinas e a is tzitadinus chi de su 30 de Gennàrgiu 2025 fintzas a su 16 de Meseladàmini 2025 est torra ativu s'Ufítziu de Língua Sarda.

S'Ufítziu s'agatat in su Tzentru @ll-in in bia Fara, e fait servítziu a su púbblicu duas bortas a su mesi de gióbia h. 11.30-12.30 (de is 11 e mesu a mesudì e mesu), in custas diis: 13, 27 de Friaxu, 13, 27 de Martzu, 10, 24 de Abrili, 15, 29 de Maju, 12, 26 de Làmpadas, 10, 24 de Meseargiolas, 4, 18 de Cabudanni, 2, 16 de Meseladàmini.

S’operadora, Dotora Carla Asunis, si podit cuntatai a is recàpitus chi sighint:
e-mail: carla.asunis@gmail.com
Tel. 070 9159155 - 349 7523352

S’Ufítziu de Língua Sarda est a dispositzioni de is Iscolas, de is Museus, Ufítzius turísticus, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: fueddai in sardu cun s’Amministratzioni Comunali, po apariciai ainas/materialis po is pipius e is piciocheddus; imparai a ligi e iscriri in sardu; apariciai ainas/materialis po is atividadis insoru ( es. locandinas, cartellinus merceològicus), tenni informatzionis chi pertocant sa língua, is traditzionis e s'istória de sa Sardigna.