SARDU

Comunu de Biddacidru: S'Ufítziu de Língua Sarda de sa Províntzia de su Sud Sardigna in collabboratzioni cun su Sistema Bibliotecàriu “Monti Linas” organizat s'ammosta bibliogràfica personali “Bachisio Bandinu” chi si fait de mércuris 8 de Làmparas fintzas a su 28 de Làmparas 2022, in sa Biblioteca Comunali “Antonio Gramsci”, bia Regione Sarda 61, Biddacidru.

S'ammosta est dedicada a is òperas de Bachisio Bandinu ( Bitzi 22 de Friaxu 1939) antropólogu, giornalista e scritori.

Bachisio Bandinu

In su 1967 pigat sa Làurea in Líteras e Filosofia in s'Universidadi de Casteddu cun una tesi intitulada " Antonio Fogazzaro e il Modernismo". In su 1971 si diplomat in Giornalismu cun unu trabballu intitulau "Montale giornalista" in sa Scola Superiori de is Comunicatzionis sotzialis de s'Universidadi Católica de su Sacru Coru de Milanu. In su matessi istitutu, in su 1973, si diplomat in Ràdiu e Televisioni. In su 1972 si iscrit a s'Órdini de is Giornalistas de sa Lombardia e in su 1987 a s'Órdini de is Giornalista de sa Sardigna. Esponenti académicu de sa scola Antropológica de Casteddu, allievu de Ernesto De Martino e de Alberto Mario Cirese a su pari de is fedalis suus Giulio Angioni e Placido Cherchi, est studiosu de Cultura Traditzionali de sa Sardigna interna in cambiamentu costanti in is úrtimus decénnius, e si òcupat pruschetotu de chistionis de identidadi culturali e política. Intra de su 1965 e su 1987 insénniat in s'Istitutu Técnicu Industrali de Varese. Apustis, fintzas a su 1997, est insennianti in s'Istitutu Técnicu "Pertini£ de Casteddu. De su 1973 a su 1985 collabborat cun su "Corriere della Sera".

In su 1976 at scritu cun Gaspare Barbiellini Amidei " Il re è un feticcio", innui analizat su raportu intra de su mundu traditzionali de sa pastoria e sa tzivilidadi de is condumus in Sardigna.

In su 1980 at pubblicau "Costa Smeralda", cuntribbutu a s'analisi de su raportu traditzioni/innovatzioni.

In su 1993 at bintu su Prémiu Funtana Elighes" e in su 1999 dd'ant nominau diretori de "L'Unione Sarda", rolu chi apoderat fintzas a su 2001.

Est Presidenti de sa "Fondazione Sardinia" e de annus bivit in Terranoa.

Publicatzionis

• Costa Smeralda. Come nasce una favola turistica, Rizzoli, Milano, 1980.
• Un sardismo da inventare, in Le ragioni dell'utopia. Omaggio a Michelangelo Pira, pp. 121-139, Giuffrè, Milano, 1984.
• Narciso in vacanza. Il turismo in Sardegna tra mito e storia, in I griot, 2ª ed., AM&D, 1996,
• Il cavallo. Memorie, sogno, storia, 1995.
• Lettera a un giovane Sardo, La Torre, Cagliari, 1996.
• Gennargentu, la città invisibile, in L'Unione Sarda del 18.1.1997.
• Olbia città multietnica, (con G. Murineddu e E. Tognotti), AM&D, Cagliari, 1997.
• Visiones. I sogni dei pastori, AM&D, Cagliari, 1998.
• Ballos, Frorias, Cagliari, 2000.
• Mario De Biasi. Viaggio dentro l'isola, (con Alfonso Gatto e Giuseppe Dessì), Ilisso, 2002.
• Il re è un feticcio, Ilisso, Nuoro, 2003.
• Placido Cherchi e Michele Pinna, Identità cultura scuola, Selargius, Domus De Janas, 2003,
• La maschera, la donna, lo specchio, Spirali, 2004.
• Raffaello Sanzio e Sandro Trotti, Spirali, 2006.
• Pastoralismo in Sardegna: cultura e identità di un popolo, in Soliana, Sestu, Zonza Editori, 2006
• Il quinto moro. Soru e il sorismo, Selargius, Domus De Janas, 2007
• Don Antonio Pinna e Padre Raimondo Turtas, Lingua sarda e liturgia, Selargius, Domus De Janas, 2008.
•  Pro s'indipendèntzia, in Libristante, Il Maestrale, 2010.
• Noi non sapevamo. Lingua, turismo, industria, basi militari, ambiente., Il Maestrale, 2016.
• Sa manu de s'umbra, Domus de Janas, 2016
• Lettera a un giovane sardo sempre connesso, Domus de Janas, 2017.
• Intragnas. Ite parimus? / La scena nascosta. Come ci vediamo?, Il Maestrale, 2021.
• Feminas, né fata, né strega, Fondazione Culturale Sardinia, 2021.