SARDU
Comunu de Biddanoa de Forru: Su Comunu de Biddanoa de Forru, su Parcu e Museu “Genna Maria”, in collaboratzioni cun sa coop. “Turismu Marmilla” e s'assótziu Proloco de Biddanoa de Forru ant presentau su programma de sa 4° editzioni de Archeomeet, atóbiu de cunfrontu asuba de archeologia e ingirius, ca s’at a fai sàbudu 23 de argiolas in Pratza Costitutzioni a incarrerari de is oras 18:30.
Su programma arricu de s’eventu previdit:
- h. 18.30 “Comunicai s’archeologia. Cali ainas po cali punnas?”
Ant a intervènniri: Nicola Castangia de “ArcheoFoto Sardegna”, Alessandra Ghiani diretrici de sa rivista “ANTAS Periódicu de ambienti stórias e personàgius de sa cultura sarda”, Pierluigi Montalbano de s'Assótziu Culturali “Honebu” e Francesca Mulas Fiori archeòloga e giornalista.
Mòderat Maurizio Onnis, síndigu de su Comunu de Biddanoa de Forru.
- h. 20:00: “Museus e autonomia scientífica. Una realtadi possíbili?”
Ant a intervènniri: Francesca Carrada funtzionària RAS - Regioni Autònoma de sa Sardigna, Elisabetta Frau diretrici de su Museu archeològicu “Sa Domu Nosta” de Senorbì, Francesco Muscolino diretori de su museu Museo Archeològicu Natzionali de Casteddu, Luca Puddu diretori de su Museu “Sa Corona Arrúbia”, Gianfranca Salis funtzionària Soprintendéntzia Archeologia artis bellas e paesàgiu de Casteddu e Luana Toniolo Diretzioni Regionali Museus.
Mòderat Giacomo Paglietti, diretori de su Parcu e Museu "Genna Maria".
At a èssiri possíbili puru a sighiri sa direta facebook, a incura de Mare Calmo, in sa pàgina de su Parcu e Museu "Genna Maria". A s’acabbu de is atóbius ci at a èssiri unu logu po si ristorai a incura de s'hotel ristoranti Funtana Noa & SA JANA.
A is oras de is 21:30, in prus, acabu de su merí in música cun su cuncertu de Nicola Agus “Unu biaxi a giru a giru a su mondu in 80 strumentus”.
Po informus tzerriai a su númunu 070 9300050 opuru mandai una mail a museo@comune.villanovaforru.ca.it
Totus is informatzionis asuba de s'eventu si podint biri puru a custu link: https://fb.me/e/2qK6aQ3Yr