SARDU
Comunu de Gùspini: S'Arcivu stóricu comunali torrat a oberri de martis su 15 de Friàrgiu 2022, pustis chi su covid iat sconsillau de dd’oberri e agoa est scadiu s’apaltu de sa gestioni chi at obbrigau a ddu serrai.
Su servítziu de gestioni, gosu e avaloramentu de is Arcivus comunalis (cussu stóricu de su Comunu e cussu de sa minera de Montevecchio) immoi dd’ant afidau, pustis de sa protzedura de gara oberta, a sa Sotziedadi Sisar acreditada in s'elencu de prima fàscia de sa soprintendéntzia arcivística.
S'Arcivu stóricu comunali est obertu su martis de is 3 e mesu a is 6 e mesu de a merii ma s’ant a fai oras de abertura in prus po atras atividadis biendi cali funt is resursas chi nci funt a dispositzioni. Is citadinus chi bolint fai circas depint sighiri is proceduras postas innoi assegus:
Modalidadi de intrada
Arcivu Stóricu Comunali:
1 – Imbiai sa domanda regulairi cun d-una pec a s'indiritzu protocollo@pec.comune.guspini.su.it , o ponni de persona sa domanda in sa cascita de su protocollu de s’Enti, in bia Don Minzoni 10, in is oràrius chi est obertu a su púbbricu
2 – Abetai sa cunfirma de s’apuntamentu de s’ufítziu
Arcivu stóricu documentali de sa Minera de Montevecchio:
Funt unu pagu diferentis is modalidadis de intrada in s’Arcivu de sa Minera de Montevecchio.
S’Arcivu de sa Minera de Montevecchio chi tenit su Comunu de Gúspini, difati, est un’arcivu privau dichiarau de interessu culturali (art. 127 de su d.lgs. 22 gen. 2004, n. 42, Códixi de is benis culturalis e de su paesàgiu) e duncas sa consultatzioni sua dda depit autorizai sa Soprintendéntzia arcivìstica de sa Sardigna, imperendi su mollu dedicau.
A sa domanda si depit alliongiai una cópia de su documentu de identidadi.
Is domandas de consultatzioni si podint:
- imbiai cun posta ordinària
- imbiai cun posta eletrónica a sa-sar@beniculturali.it
- imbiai cun PEC (e sceti de un’indiritzu PEC) a mbac-sa-sar@mailcert.beniculturali.it
- portatas de su richiedenti etotu in sa sedi de sa Soprintendèntzia
Informatzionis in prus apitzus de s’iter de autorizatzioni funt disponíbbilis in su giassu de sa soprintendéntzia