SARDU
Comunu de Arresi:Su 24 e su 26 de Austu 2020, de is cincu e mesu a is otu mesu de a merí (17.30 – 20.30), in su Tzentru de Agregatzioni Sotziali, in bia G. Mariano nc'est su labboratóriu musicali po Mannus "Sonendi e cantendi". Su labboratóriu ddu fait su Maistu e etnomusicólogu Ignazio Murru. Po pigai parti a sa presentada non si pagat. Po respetai is dispositzionis contras a sa spartzinadura de su Covid-19, s'intrada est cuntrollada e duncas tocat a si prenotai.
Su labboratóriu tenit sa tarea de fai a connosci su patrimóniu linguísticu sardu arricu meda e is formas de sa "cantzoni" sarda. Is partitzipantis tenint sa possibbilidadi de imparai a fai cumpositzionis crutzas.
Su labboratóriu ddu organizat s'Ufítziu de Língua Sarda de su Comunu de Arresi, finantziau cun su dinai de sa Regioni Autònoma de Sardigna cunformas a sa L. 482/99 “Normas in matéria de amparu de is minorias linguísticas stóricas".
Respetendi is normas de preventzioni contras a su Covid-19 s’intrada est cuntrollada e duncas po non fai ammuntonamentus, tocat a si prenotai mandendi una e-mail a: cultura.sarda2020@gmail o telefonendi a su númunu: 3890191709.