SARDU
Comunu de Arresi: Su Comunu de Arresi fait ischire a totus sos tzitadinos chi su Cursu de Limba Sarda de I livellu, inghitzau su 1° de Cabudanni, sighit in sa retza (on line) in sa piataforma Zoom.
Podent frecuentare su cursu puru sos tzitadinos chi non sunt residentes in Arresi e duncas si arritzint iscritziones nobas.
Su cursu chi in custu momentu est suspéndidu torrat a incumentzare su 20 de Ladàmine 2020 a is 15.30.
Sas letziones ddas fait Prof. Mario Puddu.
Sos chi si iscrient immui, a cursu giai incumentzadu, arritzint su materiale de sas letziones giai fatas, e cumente est prontu su giassu de su progetu "Arrexini 2.0", podent a bìdere sas letziones registradas e duncas non perdent nudda de su cursu.
S'Amministratzione Comunale, pessende de fàghere cosa agradessida a sos tzitadinos, at pigadu custa detzisione pro permitere a totus de frecuentare su cursu in tranchillidade chena de si pònnere pessamentu pro neghe de su Covid chi, a dolumannu, est torrende a bessire a pizu.
Su cursu est a indonu ca est finantziadu cun su dinari de sa Regione Autònoma de Sardigna cunformas a sa L. 482/99 "Normas in matèria de amparu de is minorias linguísticas istóricas".
Pro si iscrìere bisòngiat a cumpilare su mòdulu e ddu torrare a mandare a: cultura.sarda2020@gmail.com.
Sos mòdulos pro si iscrìere ddus podeis agatare in su giassu istitutzionale de sa Comuna de Arresi e in su giassu: www.limbasardasudsardigna.it opuru mandende una "e-mail" a: cultura.sarda2020@gmail.com
Po àteras informatziones podeis tzerriare su númeru: 3206236059
Calendàriu de sas letziones
Martis 20.10.2020 h. 15.30 – 18.30
Martis 27.10.2020 h. 15.30 – 18.30
Martis 03.11.2020 h.15.30 – 18.30
Martis 10.11.2020 h.15.30 – 18.30
Martis 17.11.2020 h. 15.30 – 18.30
Martis 24.11.2020 h. 15.30 – 18.30
Martis 01.12.2020 h. 15.30 – 18.30