SARDU

Comunu de Pabillonis: Fonti: La Gazzetta del Medio Campidano: In ocasioni de is festas de Paschixedda, s'Amministratzioni Comunali de Pabillonis, imparis cun is assótzius, sa parróchia, is atividadis produtivas, is artesanus e is obbistas localis, at programmau una lista longa de acontéssius. Aberrit is manifestatzionis sa presentatzioni de su  romanzu de Stefano Cruccas "Il Canto del Nuraghe", chi si fait su 13 de Meseidas. Unu programma chi satisfat totus, de is prus piticus a is prus mannus.

In is mercadeddus de Paschixedda, chi si faint su 14, 15 e su 22 de Meseidas, si podint scoberri primoris e prodotus únicus. Non ammancant is labboratórius po pipius (su 22 de Meseidas cun su "Circus Maccus").

E su cuntzertu de Paschixedda, in programma su 28 de Meseidas, a is ses de a merí (18.00) in sa crésia parrochiali, chi ancoras una borta donat maja e emotzionis, torrendi a creai cuss'atmosfera de s'annu innantis, a sighiri sa premiatzioni de is presépius de bixinau.

Is acontéssius acabbant su 5 de Gennaxu 2019 in sa Domu Museu cun "Aspettando la Befana".