SARDU

Comunu de Gonnos: Su Responsàbbili de s’Àrea Servítzius Sotzialis e a sa Persona de su Comunu de Gonnos fait sciri ca a cumintzai de su 16 de Meseidas 2021 funt abertas is iscritzionis a is atividadis de alentadura “Cassa a su Scusórgiu” chi si fait de su 27 a su 29 de Meseidas 2021, cun is piciocheddus de edadi intra is 11 e is 14 annus (giai fatus o de fai aintru de su 31 de custu mesi).

Totus, is iscritus e is chi no funt iscritus, podint partecipai a is atividadi de labboratóriu.

Is mollus de iscritzioni de sa Cassa a su Scusórgiu s’agatant de scarrigai in su giassu istitutzionali de su Comunu de Gonnosfanàdiga e in s’Ufítziu Servítzius Sotzialis in bia Gramsci (Scola média bècia). Is mollus de iscritzioni, cumpilaus e firmaus, si podint intregai a s’Ufítziu Protocollu (de su lunis a su cenàbara de is 10:30 a sa una e su martis a mericeddu de is 4 a is 5).

Is iscritzionis po sa gita ant a essi arricias, in s’órdini cumenti lompint a su Protocollu de s’Enti in is oràrius chi est obertu a su púbblicu, fintzas a sa una de mèrcuris su 23 de Meseidas 2021.