SARDU
Comunu de Gùspini:Sa depressioni est una maladia presenti in totu sa sotziedadi; non tenit fascas sotzialis o de edadi o cuntestus preferius. Cunsiderada, po tempus meda, una maladia femminina est antzis presenti meda puru in sa populatzioni maschili e in totus is fascas de edadi. Fatuvatu est cuada e bivia cun bregúngia e a solus po nexi de modellus chi si torrant a arrepiti in su tempus e comunus chi giudicant su disàgiu psicológicu a sa matessi manera de fítzius e/o fissatzionis pagu sérias o frutu de unu sensu de maléssiri malintesu .. Ndi chistionai cun su Spetzialista cualificau agiudat a cumprendi ita siat sa maladia e cumenti ndi afrontai càusas e efetus.
Si ndi chistionat cun su Dot. Andrea Concas (médicu spetzializandu in Psichiatria – Universidadi de Casteddu) in s'atóbiu-dibbàtidu organizau de s'Assótziu femmininu de voluntariau XConoscereXFare cun s'agiudu de su Comunu de Gùspini, chi si fait su 21 de Martzu a is cincu e mesu (17,30) in sa Sala de su Consillu de Gùspini.