SARDU

Comunu de Carbònia: Sighit cun acunsentimentu sa rassínnia "Carbònia Studia 2019", curada de su Museu Archeológicu Villa Sulcis e de s'Assessorau a sa Cultura de su Comunu de Carbònia, cun s'agiudu de su Sugetu Gestori de su Si.Mu.C., Sistema Museu.

Apustis de sa presentada de is risurtaus de is circas fatas de sa scuadra de Prof. Carlo Lugliè in su situ de su Gorropu de Sirri, gióbia 28 de Martzu, a is ses de a merí (18,00), in sa Biblioteca Comunali de viali Arsia, ddoi at un'atóbiu intitulau "Animalis e cosa de papai in Edadi Nuràgica", reladora s'archeozoologa Ornella Fonzo. Si fueddat de un'argumentu chi oindí si ndi fueddat meda, est a nai sa cosa de papai de orígini animali in sa Sardigna nuràgica. Is connoscéntzias de s'archeozoologa Ornella Fonzo benint de s'anàlisi de is arrestus de cosa de papai chi ndi benint de is sgavus archeológicus, arrestus pruscatotu de mammíferus e de pillonis chi apoderant, apustis de mill'annus puru, is arrastus chi s'ómini at lassau in sa trasformatzioni de is animalis in cosa de papai.

Scéti po médiu de s'archeozoologia, difatis, si podint scerai, descriri e interpretai su chi s'est aciapau de orígini animali e cumprendi is raportus chi s'ómini teniat cun su mundu animali e s'ambienti.