SARDU
“AUTUNNO D’AUTORE 2018”
Fonti: Comunu de Gùspini
Su 26 de Meseladàmini 2018 torrat “Autunno d’Autore”:
“In dí de oi si chistionat meda de arraíxinis. Si scavant is arraíxinis de is comunidadis e de is pessonas po torrai a ponni sànguni a is identidadis e torrai a circai is arraxonis. Ma non nci funt scéti is arraíxinis, nci funt is innestus puru.” scriit Joyce Lussu in “ L’olivastro e l’innesto”
Apustis de Sergio Atzeni, Antonio Gramsci e Grazia Deledda, cust’annu sa manifestada culturali “Autunno d’Autore” est dedicada a Joyce Lussu, in is 20 annus de sa morti de sa scritora, intelletuali medàllia de prata a su balori militari. S’arressigna, a incuru de s’Assessorau Istrutzioni Púbrica e Cultura de su Comunu de Gùspini, si fait de su 26 de Meseladàmini fintzas a su 30 de Donniasantu 2018 e interessat is scolas e unu púbricu trasversali.
Ant trabballau imparis sa “Proloco Gùspini”, su “Sistema Bibliotecario Monte Linas” e su museu stóricu “Emilio e Joyce Lussu” de Armúngia.
Intelletuali, partigiana – capitana de is brigatas “Giustizia e Libertà” – medàllia de prata a su balori militari. Obrigada a lassai s’Itàlia cun sa famíllia, ca fiat de bideas contras a su Fascísmu, Joyce iat arritziu un’educatzioni cosmopolita e anticunformista.
In su 1938 atóbiat e cojat, in sa chi est po issa sa segundu coja, su políticu e scritori de Armúngia Emilio Lussu; de su 1944 est s’atóbiu de Joyce cun sa Sardigna e cun is Sardus.
Ma s’impínniu cosa sua, a parti is fueddus e sa scritura, si cumprit po médiu de is raportus cun is gióvunus e una partitzipatzioni ativa a sa costrutzioni de un’orizonti comunu po un’umanidadi prus giusta, in s’ipótesi de unu benidori de paxi de costruiri cun unu impínniu costanti e connoscéntzias adeguadas de su passau, de is sbàllius e de is ingiustítzias de non torrai a arrepiti.
“S’augúriu – cun cussa dosi bona de utopia chi prenit de sinnificau s’impínniu nostu de dónnia dí!- est de podi torrai a generai oi puru sa letzioni cosa sua, in manera tali de multipricai is arrisorsas a dispositzioni costa nosta e tenni prus fritzas in s’arcu cosa nosta”. Diaici si espressat s’Assessora a sa Cultura Francesca Tuveri.
Programma:
Cenàbara 26 de Meseladàmini , h- 18,00, Domus a Corti
“L’olivastro e l’innesto” de Joyce Lussu
Unu “reportage” intra “Parola e Musica”
Cun Francesca Murru (boxi chi contat) e Andrea Congia ( ghitarra cràssica/ synth)
Spetàculu a incuru de sa “ Casa di Suoni e Racconti.
Domínigu 4 de Donniasantu, h. 18, Domus a Corti
Presentada de su líbburu “Istruzioni per diventare fascisti” di Michela Murgia, cordinat Francesco Abate.
Cenàbara 16 de Donniasantu, h.18,00, Biblioteca Comunale “Sergio Atzeni”
Presentada de su líbburu “Sulle labbra del tempo. Area tra musica, gesti, immagini” de Viviana Vacca e Diego Protani.
Cenàbara 30 de Donniasantu, h. 18,00 Domus a Corti
“La mia casa e i miei coinquilini – Il lungo viaggio di Joyce Lussu”
Regia di Marcella Piccinini. Generi documentàriu – Itàlia, 2016.