SARDU
Comunu de Gùspini: Apustis de un’atóngiu rinviau, su de s’annu passau, torrat a partí de su 21 de Meseladàmini fintzas a su 10 de Meseidas 2021 “Autunno d’Autore”.
Sa rassínnia culturali, chi interessat pipius e mannus, dedicada in is editzionis pretzedentis a Sergio Atzeni, Antonio Gramsci, Grazia Deledda, Joyce Lussu e Fabrizio De Andrè.
Autunno d'Autore non torrat a partí de innui totu si fiat firmau, agualli a prima ma torrat a partí cun sa cusciéntzia , narant is organizadoris"chi serbat a cambiai medas cosas" " addopiendi sa vista": una parti aintru de nosu etotu e una parti a foras, ananti in su tempus, faci a un'orizonti unu pagheddu prus pagu dudosu e prus pagu pòburu, si sperat, e cun una bisioni diferenti de su benidori. Si torrat a partí cun is passus piticus chi custu períodu stóricu permitit de fai po ndi fai àterus centu. Si torrat a partí cun "una somma di piccole cose"(una summa de cosas piticas) - fueddus pigaus a imprestidu de su scritu e de s'album cun su matessi nòmini de su cantautori romanu Niccolò Fabi – po arregordai s'importu de essentzialidadi e de sa capassidadi de bisai".
In totu ses atóbius. Intra de unu labboratóriu po pipius dedicau a su grandu scritori cilenu Luis Sepulveda e unu spetàculu musicali in arregordu de s'ateretantu grandu cantautori italianu Franco Battiato – ambaduus mortus de pagu – acontéssius diferentis funt dedicaus a sa prumotzioni de autoris e autoras sardus.
Sa rassínnia dda organizat s'Assessorau a sa Istrutzioni Púbblica, Cultura e Turismu de su Comunu de Gùspini impari cun su Festival de sa Literadura po pipius Bab, sa Pro Locu, su Sistema Bibliotecàriu Monti Linas s'assótziu Fabbrica illuminata e su Servítziu Tzivili Universali.
Totus is acontéssius si faint in s'arrespetu de is ùrtimas dispositzionis contras a su Covid e cun s'óbligu de tenni su "Green pass".
PROGRAMMA
21 de Meseladàmini h. 17.00 – Biblioteca Comunali "Sergio Atzeni"
labboratóriu de letura pigau de "Storia di una lumaca che scoprì l'importanza della lentezza" de Luis Sepulveda, a incuru de Claudia Benaglio imparis cun s'assótziu "Fabbrica Illuminata". Podint pigai parti màssimu 12 pipius de is ses annus in susu. Po si prenotai tocat a mandai una "e-mail" a: biblioteca@comune.guspini.su.it
28 de Meseladàmini h. 18.30 – Domus a Corti
Presentada de su romanzu "Essere giovani non è una scusa" de Danilo Lampis
8 de Donniasantu h.18.30 – Domus a Corti
Presentada de su romanzu "Margherita Hack. In bicicletta tra le stelle" de Roberta Balestrucci Fancellu.
20 de Donniasantu h. 18.30 – Domus a Corti
Presentada de su líbburu " In nome del popolo basso" de Marino Melis
2 de Meseidas h. 18.30 – Domus a Corti
Presentada de su líbburu "Gùspini. Arte, Politica e Carità" de Mauro Serra, moderat su giornalista Maurizio Onidi.
10 de Meseidas h. 19.30 – Domus a Corti
SEGNALI DI VITA – Arregordu de Franco Battiato
Spetàculu musicali cun:
Matteo Sau (boxi, ukulele, ghitarra);
Ivana Busu (fisarmònica, sintetizadoris, boxi);
Gianluca Pischedda (violocellu);
Andrea Lai (bàsciu);
Antonio Pinna (tambòrru e percussionis).