SARDU
Comunu de Gùspini: Cenàbara su 10 de Meseidas a is 7 de a merí, in su tzentru policulturali de is Domus a Corti, cun su spetàculu musicali "Segnali di vita" si serrat s'editzioni 2021 de s' Autunno d'Autore.
“Segnali di vita” est un’arregalu, e a su matessi tempus un’arregodu de su cantautori sicilianu Franco Battiato, po mesu de sa rivisitatzioni de unas cantu cantzonis suas, is prus connotas, a pagus mesis chi s’est mortu e corant’annus pustis chi nd’est bessiu s’album “La voce del padrone”.
Su spetàculu no sonat is cantzonis cumenti funt connotas ma, gràtzias a unu trabballu de stúdiu de su sonu e de arrangiamentu, est unu ddas torrai a interpretai chi arrennescit a fai de su spetàculu unu biaxi chi interessat musicistas e púbblicu.
Violoncellu, fisarmónica, synth e ukulele faint su sonu particolari meda ma chentza de ndi bogai s’ànima de is branus.
Su progetu est nàsciu in su “Marina Cafè Noir”, su féstival de literaduras aplicadas, e est stétiu s’acontéssiu chi at serrau sa de dexannoi editzionis.
Custus is musicistas chi faint parti de su cumplessu:
Matteo Sau: Boxi, ukulele, ghitarra
Ivana Busu: Fisarmónica, sintetizadori, boxi
Gianluca Pischedda: Violoncellu
Andrea Lai: Bassu
Antonio Pinna: Tumborrus e percussionis