SARDU

Comunu de Musei: S’Amministratzioni Comunali de Musei fait sciri cun sa Delíbbera de su C.C. n.20 de su 04/06/2021 ca s’est fundau s’Albu de is Assótzius.

Is  Assótzius de voluntariau, culturalis, ambientalis, sportivas, de tempu líbberu, chi ddoi funt e òperant in su territóriu de su Comunu de Musei, chi bolint pigai parti de s’Albu depint presentai domanda, imperendi is mollus dedicaus alliongiaus a custu avisu e dda depint intregai sceti cun P.E.C. a s’indiritzu comune.musei@legalmail.it aintru e no prus a tradu de s’01/02/2022.

IMPORTANTI: Tocat a essi iscritus in s’Albu de is Assótzius po domandai is contribudus e is benefítzius económicus, in is liminàrgius de is disponibbilidadis de su bilànciu comunali e gosai de su patrocíniu de su Comunu in is propostas fatas.  

S’ammentat ca s’iscritzioni in s’Albu durat un’annu e s’at a  torrai a esaminai pustis chi s’est presentada sa domanda de rennovu.

Chi si bolint tenni informatzionis prus cumpletas tocat a ligi su “Regulamentu Comunali po sa Costitutzioni de s’Albu Comunali de is Assótzius”.

Informatzionis in prus e acraramentus si podint pregontai a sa Responsàbbili de su Protzedimentu  Rag. Jessica Marongiu sceti cun P.E.C. a s’indiritzu comune.musei@legalmail.it