SARDU

Comunu de Gùspini: Banderas a mes’asta po “Sa Dí de s’Arregordu”: una solennidadi tzivili natzionali italiana, istituida cun sa L. 30 Martzu 2004 n.92 e afestada su 10 de Friaxu de dónnia annu. S’istitutzioni de Sa Dí de s’Arregordu nascit de sa voluntadi de non scaresci e de annoai “Sa Memória de sa tragédia de is italianus e de totus is mortus de is foibas, de su disterru de is istrianus, de is fiumanus e de is dalmatas italianus de is terras cosa insoru in s’interis de sa 2° Guerra Mundiali e in su segundu dopuguerra (1943-1945), e de is acontéssius incolliosus de sa làcana orientali”.
Sa data scioberada (10 de Friaxu) est sa dí chi, in su 1947, funt stétius firmaus is trataus de Parigi, chi intragànt a sa Jugoslavia s’Istria, su "Quarnaro" e sa parti prus manna de su Venetzia Giulia, chi innantis fadiant parti de s’Itàlia.
Giai chi est una festa tzivili, cunformas a s’art.3 de sa L. 27 de Maju 1049, n. 260, non cumportat una smenguadura de s’oràriu de trabballu de is ufítzius púbricus o de oràriu po is scolas e nimancu est dí de pàsiu si arruit in dí feriali. In dónnia manera, is edifítzius púbricus depint ammostai amarolla su tricolori e, si sa Presidéntzia de su Cunsillu de is Ministrus ddu domandat in manera espressa, ddu depint ammostai a mes’asta.