SARDU
Comunu de Igrèsias: Be Included! Est unu progetu chi tenit a tarea s’inclusioni sotziali chi bolit apoderai a is giòvunus, a is professionistas e no, in su campu de sa dantza.
Promóviu de s’Assótziu Entis Localis po is Atividadis Culturalis e de Spetàculu e poderau de su Ministeru de sa Cultura intra is Progetus Specialis Dantza 2022, Fondatzioni de Sardigna e Regioni Sardigna, cun sa collabboratzioni de realidadis de importu de sa dantza e de su spetàculu che Cocis Sardegna, CEDAC, Assótziu Tersicorea, ASMED Balletu de Sardigna, Cumpangia Dantza Estemporada, Truma eMotion, su progetu gosat de s’amparu de istitutzionis internatzionalis che a: Nid Platform, EsArte, Theater Trier, Gruppo Alhena.
Be Included! Bolit agiudai a donai vida a una identidadi noa de s’oferta culturali de is tres Comunus chi ant pigau parti a s’arretza fata de s’Assótziu: Igrèsias, Sarrocu e Santu ‘Èngiu. Un’identidadi chi ddi permitat de si stesiai de totus is atras propostas de su panorama de s’ìsula proponendi e ecelléntzias in su campu de sa dantza e chi dda fetzat connosci a livellu natzionali.
Su progetu est fundau apitzus de su svilupu de duus temas principalis: sa dantza e s’inclusioni sotziali. Sa dantza diventat duncas unu trastu modernu de annoadura a favori de s’inclusioni sotziali e de su rennovamentu sotziali. Po mèdiu de s’ideatzioni e de sa sperimentatzioni artística si bolit donai a is gióvunus chi funt residentis in is territórius a làcana, sa possibbilidadi de svilupai cumpeténtzias artísticas donendi vida a progetus e atzionis de promotzioni territoriali e sotziali.
Is duas temàticas printzipalis ant a tenni po argumentu ghia is temàticas típicas de sa poética de Pier Paolo Pasolini po svilupai is temas de su disàgiu giovanili, de sa poburesa (cussa educadora puru) e de s’abbétiu generatzionali. Figura intra is prus dibàtias e emblemàticas de su tempus suu, Pasolini rapresentat, difati, oi ancora unu puntu firmu in sa cultura italiana e internatzionali, gràtzias a sa capatzidadi sua de ligi e anticipai is mudàntzias de sa sotziedadi contemporànea chi nd’ant fatu un’autori originali e oi ancora atualidadi meda, donendi atentzioni a is personas prus fràgilis e lassadas a solas.