SARDU
Comunu de Gùspini: De su 30 de Abrili e po totu su períodu de su COVID – 19 est ativu su servítziu de imprestidu a domu. Po circai de abarrai acanta a is umperadoris sa Biblioteca Comunali “Sergio Atzeni” in custu momentu de dificultadi, de cras 30 de Abrili, e po totu su períodu Covid-19, at ativu su servítziu de imprestidu a domu. Est possíbbili domandai calisiat documentu allogau in biblioteca, bastat chi siat disponíbbili po s’imptrestidu, po unu màssimu de cuatru líbburus a sa cida.
Su servítziu est a indonu.
Dónnia gióbia, is operadoras de sa Biblioteca, providint a sbrigai is richiestas de imprestidu, po unu màssimu de 4 líbburus a sa cida.
A chini interessat?
Su servítziu interessat a totus is umperadoris de sa biblioteca. Si non ses ancoras iscritu cumpila e manda una cópia de su documentu de identidadi e su móllu cumpilau a s’indiritzu “e-mail”: biblioguspini@bibliotechelinas.it
Potzu castiai su catàlogu?
Su catàlogu de sa biblioteca si podit castiai in sa retza (on line) in su giassu www.librami.it/guspini
Potzu prenotai cun Librami?
Si ses assotziau a sa biblioteca po médiu de Librami podis umperai custa aina comoda chentza óbrigus de oràriu. Funt sbrigadas totus is richiestas lómpias aintru de mércuris.
Potzu prenotai cun “e-mail”
Si ses giai umperadori de sa biblioteca, si podis mandai una “e-mail” inditendi títulu, autori e is datus personalis cosa tua (tipu nómini e sangunau, data de nàscita, indiritzu e teléfonu).
Si sbrigant is richiestas lómpias aintru de mércuris.
Potzu prenotai po teléfonu
Si, su gióbia de is 09.00 – 11.30 ( de is noioras fintzas a is úndixi de a mengianu) a su númunu 070 976 06 02. Arregordadì de fai prima sa circa in su catàlogu “on line” de Librami in manera de nai a su personali de sa biblioteca su títulu de su líbburu chi ti interessat.
Bolis pediri un’imprestidu a domu? Càstia is maneras de ativatzioni de su servítziu, Mollu de iscritzioni a sa Biblioteca in s’interis de s’apretu COVID – 19.