SARDU
Comunu de Biddacidru: Fonti: La Gazzetta del Medio Campidano: Si intítulat "Il profumo del passato" su líbburu scritu de su cirdesu Mauro Salis chi contat unu biaxi in sa stória e in is costumàntzias de una Sardigna giai scaréscia.
Su líbburu ddu presentant in Biddacidru su 30 de Donniasantu in su palàtziu de s'Obispu in bia Vittorio Emanuele n.15, a in cincu e mesu de a merí (17.30). In sa serada a incuru de su "Centro de Alta Formazione", a parti a s'autori, funt presentis s'Assessori a Cultura, Giovanni Spano, su Presidenti de su "Centro Culturale d'Alta Formazione", Don Angelo Pittau, s'insennianti de su Litzeu "E. Piga" de Biddacidru, Giuseppe Marras, sa giornalista Stefania Pusceddu, su Presidenti de sa Pro Locu, Luciano Muscas, e Caterina Saba cun leturas e cumentus. Sa serada acabbat in bellesa cun unu cumbidu.
Su romanzu ambientau intra de s'acabbu de s'Otuxentus e sa primu mitadi de su Noixentus, sighit su filu de sa vida de una famíllia, contat s'amori intra de ómini e fémmina, po is fillus, contat momentus simpli, fatus de afetus e amigàntzia ma puru su dolori e is lutus chi s'intritzant in sa vida de dónnia dí. In prus est postu beni in craru su respetu po is animalis, cumpàngius fielis de s'ómini.
In su romanzu bessit a luxi una calidadi de vida chi tenit cumenti a puntu de arrelatu sa famíllia, sa domu, su trabballu is amigus, su bixinau. Totu torrat a portai a sa richesa de valoris, a sa simplitzidadi de su passau chi fortzis cun unu pagu de tristura si mancat e chi su scritori arrannescit a torrai in manera adeguada a is tempus de oi.
ITALIANO
Comune di Villacidro: Fonte: La Gazzatta del Medio Campidano: Si intítulat "Il profumo del passato" su líbburu scritu de su cirdesu Mauro Salis chi contat unu biaxi in sa stória e in is costumàntzias de una Sardigna giai scaréscia.
Su líbburu ddu presentant in Biddacidru su 30 de Donniasantu in su palàtziu de s'Obispu in bia Vittorio Emanuele n.15, a in cincu e mesu de a merí (17.30). In sa serada a incuru de su "Centro de Alta Formazione", a parti a s'autori, funt presentis s'Assessori a Cultura, Giovanni Spano, su Presidenti de su "Centro Culturale d'Alta Formazione", Don Angelo Pittau, s'insennianti de su Litzeu "E. Piga" de Biddacidru, Giuseppe Marras, sa giornalista Stefania Pusceddu, su Presidenti de sa Pro Locu, Luciano Muscas, e Caterina Saba cun leturas e cumentus. Sa serada acabbat in bellesa cun unu cumbidu.
Su romanzu ambientau intra de s'acabbu de s'Otuxentus e sa primu mitadi de su Noixentus, sighit su filu de sa vida de una famíllia, contat s'amori intra de ómini e fémmina, po is fillus, contat momentus simpli, fatus de afetus e amigàntzia ma puru su dolori e is lutus chi s'intritzant in sa vida de dónnia dí. In prus est postu beni in craru su respetu po is animalis, cumpàngius fielis de s'ómini.
In su romanzu bessit a luxi una calidadi de vida chi tenit cumenti a puntu de arrelatu sa famíllia, sa domu, su trabballu is amigus, su bixinau. Totu torrat a portai a sa richesa de valoris, a sa simplitzidadi de su passau chi fortzis cun unu pagu de tristura si mancat e chi su scritori arrannescit a torrai in manera adeguada a is tempus de oi.
