SARDU
Comunu de Biddacidru: Fonti: "La Gazzetta del Medio Campidan". Acabbu de cida arricu de acontéssius, programmaus in su cuntestu de su "Dicembre Letterario" organizau de su "Club Jane Austen Sardegna" su literàriu femmininu prus mannu de Itàlia.
Sàbudu 7 de Meseidas est in programma un'atóbiu dedicau a is pipius e a is famíllias chi si fait in su "Caffè Letterario" a is cuatru de a merí (16.00). S'Archiologu Nicola Dessí presentat su líbburu cosa sua "La preistoria della Sardegna: dal Paleolitico all'Età del Rame", illustrau de Antonello Angheleddu e imprentau de Condaghes.
Domínigu 8 de Meseidas, a is noioras e mesu de a noti (21.30) in su Saloni Teatru Santa Barbara, ddoi at un'acontéssiu abetau meda: s'atóbiu cun su musitzista Moses Concas - bincidori de "Italia's Got Talent" in su 2016 - chi innantis de su cuntzertu si bolit cunfrontai cun su púbricu asuba de sa bellesa de sa letura. Concas at lanciau una sfida cumbidendi is "fans" cosa sua a ligi su líbburu "Possibilities" de Herbie Hancock innantis de partitzipai a s'atóbiu -cuntzertu.