SARDU

Comunu de Biddacidru:Su Comunu de Biddacidru, alleau de sa Províntzia de su Sud Sardigna in su progetu "Sighidura de sa sperimentatzioni linguística", finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas storícas” e a sa L.R. 22/2018, fait sciri a is tzitadinas e a is tzitadinus chi de su 21 de Cabudanni 2021 fintzas a su 6 de Meseidas 2022 est torra ativu s'Ufítziu de Língua Sarda.

S'Ufítziu s'agatat in su Centru @ll in, bia Parrocchia 190, e fait servítziu in preséntzia dónnia martis de is otu e mesu  finztas a mesudí e mesu  (h. 8.30 – 12.30).

S’operadora, Dot.ra Annalisa Caboni, in prus si podit cuntatai a is recàpitus chi sighint :

e-mail : annalisa.caboni@provincia.sudsardegna.it       Tel. 070/9314497

S’Ufítziu de Língua Sarda est a dispositzioni de is Scolas, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: fueddai in sardu cun s’Amministratzioni Comunali; apariciai ainas/materialis po  is pipius e is piciocheddus;  imparai a ligi e scriri in sardu; apariciai ainas/materialis po is atividadis cosa insoru ( es. locandinas, cartellinus o etichetas merceològicus), tenni informatzionis chi riguardant sa língua, is traditzionis e sa stória de sa Sardigna.