SARDU

“BIMBI A BORDO” MORIS
Fonti: Comunu de Guspini

Su 21 de Meseladàmini  2018, in su cuntestu de su “Festival” de sa Literadura po pipius “BaB -Bimbi a Bordo” nc’est sa passillada “Sentieri -   - Narrazioni lungo i percorsi minerari”  (Moris – Contus in is camminus mineràrius) cun sa teatralizatzioni a incuru de sa “Filodrammatica Guspinese”.

Programma:

h. 9,00 ( noioras de a mengianu)
Atóbiu in is “Fornaci Scanu” e sterrina a su camminu de Iride Peis Concas ( autora de is narratzionis teatralis).

h. 9,30 ( noioras de a mengianu)
Parténtzia

h.12,00 ( mesudí)
Arribbu a Montibéciu ( Cantieri di Levante).

h.12,15  ( mesudí e cuartu)
Atóbiu “ Il parco da scoprire” cun Tarcisio Agus ( Presidenti de su Parcu Geomineràriu Stóricu e Ambientali de sa Sardigna).

13,30 ( sa una e mesu)
Pràngiu a su sacu. In s’interis de su pàsiu po su pràngiu  si podit sighiri fintzas a su furriadroxu de Montibéciu opuru, aciungendi pagu pagu dinai, bisitai is cantieris mineràrius.

h.16,00 ( cuatru de a merí)
Sala modellus Cantieris de Levanti
Atóbiu “ Cammini Tematici – Santa Barbara e Romanico”
Giampiero Pinna, Presidenti de sa Fundatzioni Camminu Mineràriu de Santa Barbara
Antonello Figus, Assótziu “  Amici del Romanico”.

h.18,00 ( ses de a merí)
Torrada
Sa partitzipatzioni est a indonu, non si pagat nudda