SARDU

Comunu de Carbònia: Martis 16 de Abrili, in Carbònia, in sa sala Astarte de sa Miniera de Serbariu, si fait, a inghitzai de is noioras de a mengianu (9,00), una dí de stúdiu intitulada "Sa Politzia Giuditziària chi pertocat s'infortúniu stradali- Averiguamentu e s'arregorta de is datus de intzidenti stradali cunformas a sa norma 11472/2013". S'atóbiu dd'at organizau sa Infopol imparis cun su Comunu de Carbònia. Est unu cunvénniu chi permitit de aprofundai un'argumentu dilicau e importanti, pruschetotu a sa luxi de sa L. n. 41 de su 2016 chi at fatu intrai in s'ordinamentu cosa nosta una fatispécie noba de reatu: sa bocidura stradali. In custu cuntestu sa Politzia arrisurtat carrigada de prus responsabbilidadis  in is atividadis chi riguardant s'averiguamentu, s'arregorta de is datus e sa redatzioni de is atus chi riguardant is intzidentis stradalis.

Is trabballus de sa dí de stúdiu de cras ddus cordinat su Magiori Andrea Usai, Cumandanti de sa Politzia Locali de Carbònia. Su reladori est Paolo Costa, Responsàbbili de su setori Seguresa operativa de su Cumandu Politzia Munitzipali de Piacenza, Ufitziali de s'Ufítziu Stúdius de su Cumandu e Insennianti de sa Scola Interregionali de Modena.

S'acabbu de is trabballus  est previdiu po is cuatru e cuartu de a merí (16,15).