SARDU
Comunu de Terraba: Est in programma in Terraba una bella proposta de “Calici di Stelle”, chi dd’at bófia meda s’Amministratzioni Comunali e dd’at organizada s’Assótziu Turísticu Pro Loco. Domínigu su 30 de Meseargiolas a cumintzai de is 8 de a merii (20.00) in Pratza Cattedrale, in su tzentru stóricu de sa bidda, is chi ant apariciau totu abetant is amantiosus e is curiosus po cumpratziri cun issus su spíritu de su merii e bufai a sa saludi asuta de is steddus cun unu càlixi de binu bonu acumpangiau de sa tastadura de is cosas de papai típicas de su logu.
Ddoi ant a éssiri is binus de is cantinas de su territóriu: Cantine Lotta azienda agricola vinicola, Su Cuppoi Cantina, Cantina del Bovale Terralba, Quartomoro di Sardegna, Melis Vini, Cantina di Mogoro - Il Nuraghe.
Su merii est alentau de sa música live de su grupu Le Kanusie, mentras a is 7 de a merii (19.00) in sa Crésia de Santu Pedru Apóstulu si fait su cuncertu de boxis e strumentus “Madre Nostra”.