SARDU
Comunu de Carbònia: Sa tzitadi de Carbònia de pagu s’est candidada a “Capitali Italiana de sa Cultura”, unu títulu istituiu de su Ministru poi s Benis e is Atividadis Culturali e po su Turismu, Dario Franceschini, cun sa Lei “Art Bonus” in su 2014, intregau po sa durada de un’annu.
Funt 44 is tzitadis italianas chi si funt candidadas po custu arreconnoscimentu de importu.
Su Comunu bincidori arritzit unu milioni de éurus po cumpriri su programma presentau.
Is tzitadis chi ant ammostau s’interessamentu cosa insoru depint presentai aintru de su 2 de Martzu is documentus de candidadura, po chi unu giuria de seti spertus famaus ddus esaminint po lompi aintru de su 30 de Abrili a su sceberu de unu màssimu de 10 progetus finalistas de cumbidai in auditzioni.
Sa tzitadi Capitali Italiana de sa Cultura 2021 est scioberada scéti in virtudi de custus collóchius aintru de su 10 de Làmparas, candu sa giuria inditat pubricamenti a su Ministru poi s Benis e is atividadis Culturalis e po su Turismu sa candidadura prus idònea de formalizai cun delíbbera de su Consilu de is Ministrus.