SARDU
Comunu de Carbònia: S'Assótziu culturali "Su Conti" at organizau cun s'agiudu de su Comunu de Carbònia un acontéssiu intitulau "Sa limba ... is Corus", in programma su 16 de Donniasantu, a is cincu de a merí (17.00) in is aposentus de bia Roma (asuta de Bricocina). " Est unu cunvénniu chi punnat a avalorai e a spartzinai sa língua sarda po médiu de sa música e, pruschetotu, is corus polifónicus" at nau sa Sindaghissa Paola Massidda.
Su reladori printzipali est Prof. Mario Puddu, linguista e autori de su "Ditzionàriu de sa limba e de sa cultura sarda" e faint de acumpangiamentu is poesias de Maria Pia Fanutza. Asuba de su palcu si alternant is boxis stravanadas de is corus "su Conti" e "Collegium Musicum Monteverdi", cun sa diretzioni artística de sa Maista Angelina Figus. Is immaginis e is figuras fatas de su disenniadori famau Franco Murru arricant is fueddus, sa poesia e sa música.