SARDU
Comunu de Carbònia: Su Comunu de Carbònia fait sciri a totu sa tzitadinàntzia chi domínigu 12 de Maju, in ocasioni de sa Festa de sa Mamma, is voluntàrius de sa Fundatzioni "Airc" po sa circa asuba de su mali mandiadori, imparis cun sa Prolocu, funt in Pratza Matteotti (àngulu bia Fosse Ardeatine) de is otu de a mengianu (08,00) po spartzinai is azaleas po agiudai sa circa.
"Cumbidaus sa tzitadinàntzia a pigai parti in manera ativa a una proposta merescidora difatis su chi si arregollit est destinau a sa circa chi punnat a agatai curas sémpiri prus de profetu contras a su mali mandiadori " at nau sa Sindaghissa Paola Massidda.
Est de importu e detzisivu agiudai sa circa po fai stúdius nobus asuba de sa preventzioni, de sa dianniosi e de sa cura de su mali mandiadori a su petus e a is òrganus riprodutivus. Si càrculat chi ocannu passau, in Italia, custas neoplasias ant fertu 68.300 fémminas.
Duncas fait a agiudai sa circa contras a su mali mandiadori femmininu a andai ainnantis comporendi is azaleas, unu donu spetziali a totus is fémminas e a totus is mammas própiu in s'ocasioni de una recurréntzia diaici importanti.