SARDU
Comunu de Carbònia: Su Comunu de Carbònia fait sciri, ca a pustis de s’aprovatzioni de su disciplinari po s’impreu de is social mèdia aprovau cun delibera de giunta n. n. 148 del 03/11/2020, funt ativus is profilus istitutzionalis de Facebook, Twitter, Instagram, YouTube e Telegram.
“Candu eus incumentzau su mandau nostru eus incumentzau cun d-una pàgina Facebook noa “Carbonia Newsletter” e seus arribaus a 8755 sighidoris, chi Digital Targel at cunsiderau, in pari a Trieste, unu modellu de comunicatzioni de is comunus italianus de ponni infatu. <<Si parit giustu a donai a is citadinus nostrus custas ainas de comunicatzioni po chi siant sèmpiri agiornaus a pitzus de is atividadis de s’Enti e permìtiri maneras noas de interatzioni cun s’Amministratzioni – narat su sìndigu Paola Massidda e aciungit – is canalis social serbint siat po donai informatzionis de agiudu a is citadinus ma fintzas po arriciri sinnialatzionis, cuntzillus, inditus e crìticas totu in trasparèntzia e rispetendi is personas>>.
Su vicesìndigu Gianluca Lai at nau ca Carbònia castias cun fidùtzia a s’annoamentu tecnològicu a 360° e ddu ammostrant is traballus po sa cabladura de sa citadi cun sa fibra òtica a in curu de Open Fiber e is traballus chi at inghitzau sa TIM in is fratzionis prus mannas, sa presèntzia in su programma Smarter Italy – Borghi del Futura che sea de sperimentatzioni de solutzionis tecnològicas noas, ma fintzas s’inserimentu a intrus de s’Enti de una figura tècnica dedicata s s’informàtica e a su digitali”
S’Assessora a is polìticas po is giòvunus Loredana La Barbera at nau chi <<cun sa pàgina Instagram pentzaus de arrinnesci a coinvolgi su pùbblicu prus giòvunu, chi at arrici àteras atentzionis po mèdiu de sa pàgina Facebook de su Centru Eurodesk Carbonia e a su canali Instagram collegau.
Asuta is profilus istitutzionalis de s’Enti:
Facebook:
Carbonia Newsletter – Comune di Carbonia - http://www.facebook.com/comunedicarbonia
(po imoi ancora http://www.facebook.com/comunecarbonia )
Centro Eurodesk Carbonia - https://it-it.facebook.com/.../Centro-Eurodesk-Carbonia.../
Twitter: comune di carbonia - @Comune_Carbonia - http://www.twitter.com/comune_carbonia
Instagram:
comunedicarbonia - @comunedicarbonia - https://www.instagram.com/comunedicarbonia/
YouTube:
comune carbonia - https://www.youtube.com/channel/UC5aL_qggG5LoqJgUM2ZIkgQ
Telegram:
Comune di Carbonia https://t.me/comunedicarbonia
Sa Presidenti de su Consìliu Comunali Daniela Marras fait sciri chi is consìlius comunalis ant a essi trasmìtiu in direta in su canali YouTube arremonnaus in antis. S’Amministratzioni Comunali cumbidat sa citadinàntzia a si collegai a su canali Telegram po arrici in tempu reali allertas mèteu comunicadas de sa Protetzioni Civili, ma puru po abbarrai informaus in contu de ordinàntzias e avisus pubblicaus in su situ istitutzionali de s’Enti.