SARDU

Comunu de Santu 'Èngiu: S’Amministratzioni comunale fait sciri ca, in cunforma a sa Deliberatzioni de sa Giunta Comunali nu. 188 de su 29/12/2021, si podint presentai is istàntzias po arriciri unu contributu po s’organizatzioni e sa gestioni de s’editzioni 2022 de su “Carrasegare de Santu’ Èngiu”.

Is assòtziu interessaus ant a podi manifestai s’interessi insoru imbiendi una proposta progetuali apòsita innoi si inditat sa realizatzioni de totus is atividadis inditadas de sa Giunta comunali, ponendu in luxi me is preventivus econòmicus is atividadis chi sighint:

• sa sfilada traditzionali in màscara de proponni in su perìodu de su carrasegare, deghinò – si is mesuras de preventzioni dispostas po cumbati su Covid-19 no permitint s’acumprimentu de s’eventu in friaxu, de ddu fai in d-unu perìodu afatanti;
• laboratòrius po fai is traballus cun su paperi apòsitu, de fai impari a is assòtzius de su teritòriu e de is chi faint is carrus po imparai a is piciocheddus is tècnicas po fai is carrus e trasmiti a sa generatzioni benidora sa passioni po su carrasegare;
• un’òpera artistica chi tzelebrit su Carrasegare Stòricu de Santu’Èngiu, de proponni cun sa collaboratzioni de is assòtzius de su territòriu e de is chi faint is carrus de ponni in mustra in d-unu logu pùblicu de individuai cun atu prus a innantis .

Po s’organizatzioni de s’editzioni 2022 de su “Carrasegare de Santu’Èngiu” s’Amministratzioni comunale at postu a disponimentu unu contributu paris a € 15.000,00.

Sa Giunta comunali cun atu imbenienti a s’òrdini e a s’oportunidadi de sustenni o no s’initziativa proposta e, cun su matessi atu, s’at a riservai de inditai su tanti de su trasferimentu in relata a is propostas progetualis presentadas e a is atividadis de realizai.

Si fait sciri puru, in prus, chi in funtzioni de is indiritzus donaus de sa Giunta:

• po sa seletzioni de is manifestatzionis de interessi trasmìtias de is sugetus interessaus ant a essi pigadas in cunsideru: s’articolatzioni de sa proposta progetuali, sa originalidadi sua, is melliorias, is propostas rispetu a is editzionis pretzedentis, s’esperièntzia e is cumpetèntzias tècnicu- organizativas de su sugetu proponenti;
• su dinai disponìbili in su bilàntziu de cumpetèntzia, paris a € 15.000,00 at a essi donau a su 95% de su disavantzu tra intradas e spesas ammissìbilis de sa manifestatzioni, initziativa o òperas propostas, cumenti documentau de su preventivu e de su rendicontu econòmicu de s’atividadi acumprida, is boxis de intrada, includias is sponsorizatzionis o is contributus donaus de atrus, e is boxis de spesa fatas po sa realizatzioni de s’atividadi finantziada;

• sa summa cumplessiva de su finantziamentu arreconnotu po sa realizatzioni de is atividadis asuba inditadas at a essi donau totu impari cun sa presentatzioni de su consuntivu deghinò cun d-una rata in anticipatzioni – fata chi siat sa politza fideiussòria a garantzia - e su saldu a presentatzioni de su consuntivu;

Is istàntzias depint essi imbiadas po mesu de PEC a s’indiritzu: protocollo.sangavino@pec.comunas.it intro, e no foras de, su 31 de gennàrgiu 2022, o, deghinò, portadas a manu intro sa data matessi a s’Ufìtziu Protocollu de s’Enti, chi s’agatat in bia Trento nu. 2 in Santu’ Èngiu.

Po atras informatzionis e acraramentus podeis preguntai a Alessandro Murtas – istrutori de su servìtziu  Cultura, Sport e Spetàculu – a su nùmuru 070.93749205 deghinò  podeis scriri una mail a s’indiritzu e-mail alessandro.murtas@comune.sangavinomonreale.su.it