SARDU

Comunu de Casteddu: Mércuris 13 de Donniasantu, a is ses de a merí (18.00) in sa MEM, Mediateca de su Mediterraneu, in sa sala tzineteca, nc’est s’atóbiu “Il lato oscuro dei Beni Culturali” scrucullu asuba de is cunditzionis de trabballu in su setori.

S’assótziu “Mi Riconosci? Sono un professionista dei Beni Culturali”, chi de cuatru annus trabballat po otenni dignidadi e pagas giustas poi s trabballadoris de su setori, presentat in Casteddu puru is resurtaus drammàticus de su scrucullu “Cultura, cuntratus e cunditzionis de trabballu” (“Cultura, contratti e condizioni di lavoro”), bogaus a campu su 30 de Meseladàmini passau in sa Càmera de is Deputaus.

S’atóbiu punnat a ammostai sa situtzioni de su momentu de su Patrimóniu Culturali italianu e sardu, po médiu de datus e anàlisis, circhendi imparis a is stràngius de su púbricu de traciai is càusas chi ant portau s’ intzertesa a s’úrtimu puntu e pagas mèdias prus bàscias de 8 éurus a s’ora. Spàtziu mannu est donau a sa discussioni e a sa costrutzioni de propostas de portai a sa política.

Inghitzant Francesca Desogus e Leonardo Bison, ativistas de su movimentu “Mi Riconosci?”, intra de is àterus intervenint puru Enrico Fenu (ANAI Sardegna), Maura Vargiu (subraintendéntzia Archeológica), Maurizio Ortu (AIB Sardegna) e unus cantu operadoris musealis e trabballadoris de su setori. Sighit unu dibbàtidu abertu a chinisisiat disigit portai unu cuntribbutu.

Totu sa tzitadinàntzia est cumbidada a pigai parti.